एट्लेटिकोसँग पराजित हुँदै च्याम्पियन्स लिगबाट बाहिरियो युनाइटेड

काठमाडौं- युरोपेली शीर्ष श्रेणीको क्लब फुटबल प्रतियोगिता च्याम्पियन्स लिगअन्तर्गत मंगलबार राति सम्पन्न खेलमा एट्लेटिको मड्रिडसँगस पराजित भएसँगै म्यानचेस्टर युनाइटेड बाहिरिएको छ।

म्यानचेस्टर युनाइटेडको ओल्ड ट्राफोर्ड रंगशालामा भएको खेलमा घरेलु टिमविरुद्ध एट्लेटिकोले जित निकालेको हो। एट्लेटिकोको जितका लागि खेलको ४१औं मिनेटमा रेनन लोदीले गोल गरेका थिए।

यसअघि एट्लेटिकोको घरेलु मैदान वान्डा मेट्रोपोलिटानोमा सम्पन्न पहिलो लेगेको खेल भने १-१ को बराबरी भएको यसकारण आजको खेलमा जुन टिमले जित निकाल्छ त्यो टिम विजेता हुने पक्क थियो। यससँगै २-१ को जितका साथ एट्लेटिको मड्रिड अन्तिम आठमा प्रवेश गरेको हो।

युनाइटेडले खेलका ६१ प्रतिशत समयबलमा नियन्त्रण बनाए पनि गोल गर्न सकेन। मंगलबार नै सम्पन्न अर्को खेलमा आयाक्सविरुद्ध समग्रमा ३-२ को जित निकाल्दै बेनफिका अन्तिम आठमा पुगेको छ।