मायोर्काविरुद्धको जितले रियललाई १० अंकको अग्रता

काठमाडौं- स्पेनिस शीर्ष डिभिजनको फुटबल ला लिगामा लिगलिडर रियल मड्रिडले शीर्षस्थानमा १० अंकको अग्रता बनाएको छ। सोमबार रातिको खेलमा रियलले मायोर्कालाई ३-० गोलले हराउँदै शीर्षस्थानमा ठूलो अग्रता बनाएको हो।

रियललाई जित दिलाउन करिम बेञ्जिमाले दुई गोल गरे भने भिनिसियस जुनियरले एक गोल गरे। मार्योकाको मैदानमा पहिलो हाफ गोलरहित बराबरी भएपछि दुवै गोल दोस्रो हाफमा सम्भव भएका थिए। खेलको ५५औं मिनेटमा बेञ्जिमाको एसिस्टमा भिनिसियसले गोल गरे।

खेलको ७७औं मिनेटमा रियलले पेनाल्टीको अवसर पाएको थियो। र, बेञ्जिमाले त्यसको सदुपयोग गर्यो। खेलको ८२औं मिनेटमा बेञ्जिमाले व्यक्तिगत दोस्रो गोल गर्दै अग्रतालाई ३-० मा पुर्याए। यो अग्रताका साथ रियलले जित निकाल्यो।

अहिले २८ खेलबाट रियलले ६६ अंक जोडेको छ भने दोस्रो स्थानको सेभियाको ५६ अंक छ। २६ अंकका साथ मायोर्का १६औं स्थानमा छ।