ब्राजिलियन फुटबल संघसँग टिटेको नयाँ सम्झौता 

एजेन्सी–ब्राजिलका प्रशिक्षकलेटिटेले चार बर्षको ब्राजिल फुटबल संघसँग नयाँ सम्झौता गरेका छन् । उनले २०२२ सम्मका लागि पाँच पटकको विश्वकप विजेता ब्राजिलमा रहन नयाँ सम्झौतामा हस्ताक्षर गरेका छन् ।

टिटे ब्राजिल फुटबल टोलीमा प्रशिक्षकको रुपमा २०१६ मा नियुक्त भएका थिए । उनले ब्राजिललाई दुई उपाधि जिताएका थिए । एक कोपा लिबर्टडोरस र अर्को विश्व क्लब कप । 

ब्राजिल रुस विश्वकप २०१८ को क्वाटरफाइनलबाट बाहिरिएको थियो । जहाँ क्वाटरफाइनलमा ब्राजिल बेल्जियम सँग २–१ ले पराजित भएको थियो । ५७ बर्षीय टिटेले भनेका छन, ‘म धेरै खुसि छु र यो मेरो लागि धेरै ठुलो चुनौती पनि हो ।’

त्यस्तै, ब्राजिलियन फुटबल कन्फिडेरेसन (सीबीएफ) ले सम्झौता दीर्घकालीन भएको बताए । उनले भने, ‘हामीले लामो योजनाका लागि यो सम्झौता गरेका छौ र जेनेरल म्यानेजरका लागि पुर्व आर्सनल मिडफिल्डर ईडुलाई पनि अनुबन्ध गरेका छौ ।’