बार्सिलोनाको जितलाई निरन्तरता दिन टोरेस र औबामियाङको गोल

काठमाडौं- क्याटलान क्लब बार्सिलोनाले स्पेनको शीर्ष डिभिजनको फुटबल ला लिगामा आइतबार राति जित निकालेको छ। बार्सिलोनाको क्याम्प नोउ रंगशालामा सम्पन्न खेलबा बार्सिलोनाले पाहुना टोली ओसासुनाविरुद्ध ४-० को सानदार जित निकालेको हो।

बार्सिलोनालाई जित दिलाउन फरान टोरेसले दोहोरो गोल गरे। पेनाल्टीमा पाएको असरको सदुपयोग गर्दै टोरेसले बार्सिलोनालाई अग्रता दिलाएका थिए। त्यसलगत्तै उनले दोस्रो गोल पनि गरे। त्या गोल उनले डेम्बेलेको पासमा गरेका थिए।

डेम्बेलेकै एसिस्टमा पियरे इमिरेक औबामियाङले २७औं मिनेटमा गोल गरे भने दोस्रो हाफमा मैदान छिरेका रिकी पिउगले चौथो गोल खेलको ७५औं मिनेटमा गरे।

आर्सनलबाट बार्सिलोनामा सामेल भएदेखि औबामेयाङको छ ला लिगा खेलमा पाँच गोल भएको छ। जसले उनलाई २१औं शताब्दीमा प्रतियोगितामा सबैभन्दा छिटो पाँच गोल गर्ने दोस्रो बार्सिलोना खेलाडी बनाए। यसअघि  सन् २००४ मा स्यामुएल इटो र २००९ मा ज्लाटन इब्राहिमोभिकले गोल गरेका थिए।

यो जितपछि बार्सिलोना ५१ अंकका साथ तेस्रो स्थानमा उक्लिएको छ,। शीर्ष स्थानमा रहेको रियल म्याड्रिडसँग ६३ अंक जोडेको छ। ओसासुना ११औं स्थानमा छ।