बोर्डेअक्समाथि पीएसजीको सहज जित

काठमाडौं- गएराति भएको फ्रेन्च लिग वान फुटबलमा पेरिस सेन्ट जर्मेन (पीएसजी)ले सहज जित निकालेको छ। घरेलु मैदानमा भएको खेलमा पीएसजीले बोर्डेअक्समाथि ३-० ले जित निकालेको हो।

खेलको २४औं मिनेटमा गोल गर्दै केलियन एमबाप्पेले पिएसजीलाई सुरुवाती अग्रता दिलाएका थिए। पहिलो हाफ १-० मा सकिएको थियो। दोस्रो हाफको ५२औं मिनेटमा नेयमारले गोल गरे। त्यसैगरी खेलको ६१औं मिनेटमा लिनड्रो पारेड्सले गोल गर्दै पीएसजीलाई ३-० को जित दिलाएका हुन्।

जितसँगै शीर्ष स्थानको पीएसजीले २८ खेलमा ६५ अंक जोडेको छ। तालिकाको पुछारमा रहेको बोर्डेअक्सको २२ अंक छ।