फिफा विश्वकप २०१८ को उत्कृष्ट गोलको उपाधि पभार्डलाई, मोड्रिच तेस्रो

एजेन्सी- बेन्जामिन पभार्डले रुस विश्वकप २०१८ को प्रि–क्वाटरफाइनलमा अर्जेन्टिनामा माथि जित निकाल्दा गरेको गोलनै फिफा विश्वकप २०१८ को उत्कृष्ट गोल भएको छ । 

फ्रान्सका डिफेन्डर पभार्डले सानदार टेक्निक लगाउदै टप कर्नरमा उत्कृष्ट गोल गरेका थिए । उनले फिफा वेबसाईटमा फुटबल समर्थकहरुबाट तीन मिलियन भोट प्राप्त गरेका छन् । 

'म यसको बारेमा सोच्न पनि सक्दैन । मैले थाकेको थिए तर, उठे र त्यलाई सफल पारे' २२ बर्षीय पभार्डले खेल पछि भनेका थिए । फ्रान्सले विश्वकपको ट्रफि दोस्रो पटक जित्न  क्रोएसियालाई फाइनलमा ४-२ ले पराजित गरेको थियो ।

भार्डले भने, 'बल जब मतिर आएको थियो त्यो बउन्स भएको थियो । मैले गोल पोस्टतिर प्रहार गर्ने प्रयास मात्र गरेको थिए । जुन स्ट्राईकरले मलाई सधै बताई रहन्थे ।' उनले थपे, 'जब बल दिशामा पुग्यो म धेरै खुसी भए ।'

त्यस्तै कोलम्बियाका जुअन कुइन्टेरोले गरेको फ्रि किक गोल दोस्रो भयो । उनले समूह चरणको आफ्नो पहिलो खेलमा गरेका थिए । तेस्रो उत्कृष्ट गोल भने लुका मोड्रिचको भएको छ । उनले अर्जेन्टीना विरुद्धको खेलमा लामो दुरिबाट उत्कृष्ट गोल गरेका थिए ।