ब्राइटनमाथि लिभरपुलको जित

काठमाडौं- इङ्लिस प्रिमियर लिग अन्तर्गत गए राती भएको खेलमा ब्राइटनलाई हराउँदै लिभरपुलले जित दर्ता गरेको छ।

ब्राइटनलाई २-० ले हराउँदै लिभरपुलले लगातार आठौँ जित निकालेको हो। लिभरपुलको जितका लागि लुइस डियाज र मोहम्मद सालाहले गोल गरे।

गएरातिको जितसँगै लिभरपुलले शीर्षस्थानको म्याचेस्टर सिटीसँग अंकदुरी घटाएको छ। लिभरपुलको ६६ अंक छ भने सिटीको ६९ अंक छ। चौथो स्थानको युनाइटेडले पनि ५० अंक बनाएको छ। ५६ अंकका साथ तेस्रो स्थानमा रहेको चेल्सीले भने आज राति न्युकासलको सामना गर्दैछ।