आफूविरुद्ध कालो झण्डा देखाउनेप्रति गृहमन्त्रीको 'सम्मान'

गृहमन्त्री बालकृष्ण खाणले आफूलाई कालो झन्डा देखाउनेहरुप्रति सम्मान रहेको बताएका छन्।

नेपाल समय | शनिबार, फागुन २८, २०७८

नेपाल समय

शनिबार, फागुन २८, २०७८

बुटवल- गृहमन्त्री बालकृष्ण खाणले आफूलाई कालो झन्डा देखाउनेहरुप्रति सम्मान रहेको बताएका छन्। शनिबार धकधईमा आयोजित कार्यक्रमलाई सम्बोधन गर्दै खाणले कालो झण्डा देखाउने अधिकार पनि नेपाली कांग्रेसले नै प्रदान गरेको उल्लेख गर्दै सरकारको ध्यानार्कषण भएको बताए।

'साथीहरुले कालोझन्डा देखाउनुभएको छ। म ती साथीहरुलाई सम्मान गर्छु। लोकतान्त्रिक पद्धतिले स्वीकार गरेको व्यवस्था हो,' मन्त्री खाणले भने। उनले बोल्न, विरोध गर्न पाउने व्यवस्था कांग्रेसले ल्याएको उल्लेख गरेका थिए।

किसानका माग सरकारले सम्बोधन नगरेकाले गृहमन्त्री खाणलाई कालो झण्डा देखाएर सरकारको ध्यानाकर्षण गराउन चाहेको सीके राउत नेतृत्वको जनमत पार्टीले बताएको छ।

प्रकाशित: Mar 12, 2022| 21:07 शनिबार, फागुन २८, २०७८