खप्तड गोल्डकपको उपाधि मनाङलाई

धनगढी- पाँचौं संस्करणको सुदूरपश्चिम खप्तड गोल्डकपको उपाधि मनाङ मर्स्याङ्दी क्लबले जितेको छ।धनगढी रंगशालामा शनिबार सम्म्पन्न फाइनल खेलमा फ्रेन्ड्स क्लबबिरुद्ध ३-१ को जित निकाल्दै मनाङले उपाधि जितेको हो।

मनाङले उपाधिसहित २१ लाख नगद पुरस्कार जितेको छ भने उपविजेता बन्दै फ्रेन्ड्सले ११ लाख जितेको छ।

मनाङलाई जित दिलाउन ओलावाले अफिजले २ गोल गरे भने एक गोल दिनेश राजवंशीले गरेका थिए। फ्रेन्ड्सका जमोउलले एक गोल फर्काए। फ्रेन्ड्सका जुड गार्सियाले पेनाल्टीमा पाएको अवसरमा गोल गर्न नसक्दा मनाङलाई उपाधि उचाल्न सहज भएको हो।

मनाङले २०७३ को पहिलो संस्करणमा पनि उपाधि जितेको थियो।

प्रतियोगितामा राइजिङ प्लेयर फागुराम चौधरी र सर्वाधिक गोलकर्ता जमोउल फ्राङकोइस बन्न सफल भए। बेस्ट प्लेयर शिशिर लेखी बन्दा श्याम विश्वकर्मा बेस्ट डिफेन्डर बने।