रौतहटको दोस्रो जित, पुलिस १-० ले पराजित

रौतहट- रौतहटले उपराष्ट्रपति कप महिला राष्ट्रिय लिगमा लगातार दोस्रो सफलता हात पारेको छ। पहिलो खेलमा काठमाडौंलाई हराएको रौतहटले बुधबार भएको दोस्रो खेलमा विभागिय टोली पुलिसलाई १-० ले पराजित गर्दै लगातार दोस्रो जित हात पारेको हो। 

अस्मिता बैद्यले गरेको गोल खेलको निर्णायक बन्यो। उनले खेलको १२ औं मिनेटमा गोल गरेकी थिइन्। बुधबार नै भएको पहिलो खेलमा अर्को विभागिय टोली नेपाल एपिएफ क्लबले काठमाडौंलाई १०-० ले हराएको थियो। 

एपिएफलाई सहज जित दिलाउन सावित्रा भण्डारीले ५ र अनिता केसीले ह्याट्रिक पुरा गरिन् । अनिता बस्नेत र अनु लामाले समान १ गोल गरे।

३ विभागिय टोलीसहित महिला लिगमा ५ टोलीको सहभागिता रहेको छ । विभागिय टोलीले स्वत तथा काठमाडौं र रौतहटले छनोट चरण पार गर्दै लिगमा स्थान बनाएका थिए।