संखुवासभा बस दुर्घटना : पाँच जनाको मात्र जीवितै उद्धार

काठमाडौं– संखुवासभाको मादीबाट झापाको दमक आउँदै गरेको यात्रुबाहक बस आज बिहान मादी नगरपालिका–६ को पुलुड्डस्थित सात घुम्तीमा दुर्घटना दुर्घटना हुँदा १३ जनाको मृत्यु भएको छ। 

अहिलेसम्म दुर्घटनामा मृत्यु भएका १३ जनाको शव निकालिएको प्रहरी नायब उपरीक्षक लालध्वज सुवेदीले जानकारी दिएका छन्। उनका अनुसार मृतकको पहिचान भने भएको छैन। दुर्घटनामा पाँच जनाको जीवितै उद्धार गरिएको छ। 

स्थानीयका अनुसार बसमा करिब २१ जना यात्रु थिए। बस सडकबाट करिब ३०० मिटर तल खसेको जनाइएको छ। दुर्घटनामा कति जनाको ज्यान गयो भन्ने विवरण संकलन भइरहेको उनले जानकारी दिए। क्षतिको यकिन विवरण आइनसकेको जिल्ला प्रहरी कार्यालयका प्रहरी नायब उपरीक्षक सुवेदीले बताए।