नेपाल एसियाडको समुह ‘डी’ मा यथावत

काठमाडौं- इन्डोनेसियामा अगस्टमा हुने १८ औं एसियाली खेलकुद (एसियाड) को पुरुष फुटबलमा नेपाल समूह ‘डी’ मै यथावत छ।

एसियाली फुटबल महासंघ (एएफसी) ले बुधबार सार्वजनिक गरेको नयाँ ‘ड्र’ अनुसार नेपाल समूह ‘डी मै यथावत भएको हो। नेपाल रहेको समूहमा एसियाली पावरहाउस जापानसँगै भियतनाम र पाकिस्तान छन्। 

एसियाडमा प्यालेस्टाइन र युनाइटेड अरब इमिरेट्स (युएई) छुटेका कारण एसियाड आयोजक समितिले पुन: टाइसिट ‘ड्र’ सार्वजनिक गरेको थियो। सार्वजनिक भएको ‘ड्र’ अनुसार समूह ‘ए’ मा इन्डोनेसिया, हङकङ, लाओस, चाइनिज ताइपे र प्यालेस्टाइन रहेका छन्। 

समूह ‘बी’ मा थाइल्यान्ड, उज्वेकिस्तान, बंगलादेश र कतार छन्। यस्तै समूह ‘सी’ मा इराक, चीन, टिमोर सिस्टे र सिरिया छन्। समूह ‘ईं’ मा कोरिया रिपब्लिक, किर्गिस्तान, मलेसिया, बहराइन र युएईं छन्। 

यस्तै समूह ‘एफ’ मा साउदी अरेबिया, उत्तर कोरिया, इरान र म्यानमार रहेका छिन्। एसियाडमा यु-२३ का खेलाडीहरु हुनेछ। एसियाडका लागि नेपालले यस अघिनै २० सदस्यीय टिमको घोषणा गरि सकेको छ।