सिजनको पहिलो एल क्लासिको अक्टोबरमा

स्पेन- स्पेनिस ला लिगामा सबैभन्दा चर्चित मानिने क्याटलान क्लब बार्सिलोना र स्पेनिस जाइन्ट रियल म्याड्रिडबीचको सिजनको पहिलो एल क्लासिको अक्टोबरमा हुने भएको छ। 

स्पेनिस फुटबल संघले मंगलबार सार्वजनिक गरेको विज्ञप्तीमा उल्लेख छ। बार्सिलोना र रियलबीचको यस सिजनको पहिलो एल क्लासिको खेल तालिका अनुसार आउदो अक्टोबर २८ मा हुने भएको हो। 

पहिलो एल क्लासिको बार्सिलोनाको घरेलु मैदान नोउ क्याम्पमा हुनेछ। दोस्रो एल क्लासिको अर्को वर्षको मार्च ३ मा रियलको घरेलु मेदानमा हुनेछ। 

यस सिजनको एल क्लासिकोमा रोनाल्डो उपलब्ध हुनेछैनन्। उनी दुई साता अघि मात्रै इटालियन क्लब युभेन्टस्मा १ सय मिलियन पाउन्डमा चार वर्षका लागि अनुबन्ध भएका छन् ।