स्थानीय निर्वाचनका लागि १७९ जना अधिकृत तोकिए [सूचीसहित]

आगामी वैशाख ३० गतेका लागि तय भएको स्थानीय तह निर्वाचनका लागि १७९ जना मुख्य निर्वाचन अधिकृत र निर्वाचन अधिकृत सिफारिस भएका छन्।

नेपाल समय | बुधबार, फागुन १८, २०७८

नेपाल समय

बुधबार, फागुन १८, २०७८

स्थानीय निर्वाचनका लागि १७९ जना अधिकृत तोकिए [सूचीसहित]

काठमाडौं– आगामी वैशाख ३० गतेका लागि तय भएको स्थानीय तह निर्वाचनका लागि १७९ जना मुख्य निर्वाचन अधिकृत र निर्वाचन अधिकृत सिफारिस भएका छन्।

कायममुकायम प्रधानन्यायाधीश दीपककुमार कार्कीको अध्यक्षतामा सोमबार बसेको न्याय परिषद्को बैठकले ४६७ जनाको नाम सिफारिस गरेको थियो। तीमध्ये १७९ जनाको नाम टुंगिएको हो। बाँकी निर्वाचन अधिकृतको नाम पनि छिट्टै टुंगिने न्याय परिषद्ले जनाएको छ।

जिल्ला न्यायाधीश प्रमुख निर्वाचन अधिकृतका रुपमा खटिन्छन्। त्यसका लागि न्याय परिषद्को स्वीकृति भने अनिवार्य छ। परिषद्ले ९२ जना जिल्ला न्यायाधीश, न्याय समूहका १७९, कानुन समूहका ४९ र सरकारी वकिल समूहका १४७ जना उपसचिवलाई मुख्य निर्वाचन अधिकृत र निर्वाचन अधिकृत सिफारिस गरेको थियो।

प्रकाशित: Mar 02, 2022| 15:13 बुधबार, फागुन १८, २०७८