सांस्कृतिक सम्पदा बहस सम्पन्न

पोखरा-‘कल्चर हेरिटेज इन ए चेन्जिङ सोसाइटी, ह्वाट फ्युचर डज आवर पाष्ट ह्याभ?’ मुल नारा राखेर पोखरेली युवा सांस्कृतिक परिवारको आयोजनामा एकदिने ‘सांस्कृतिक सम्पदा बहस’कार्यक्रम साउन ७ गते पोखरामा सम्पन्न भएको छ।
 
अमेरिकी दुतावास र फुल ब्राइट एसोसियसन अफ नेपालको सहकार्यमा सांस्कृतिक सम्पदा बहस कार्यक्रम भएको हो।

कार्यक्रममा वक्ताको रूपमा कवि तथा संस्कृतिकर्मी तिर्थ श्रेष्ठ, तुलसी प्रभास र मिन बहादुर गुरुङ रहेका थिए। बहसमा पोखराको सुन्दरतालाई सधै कसरी जोगाइ राख्ने भन्ने वक्ताहरूमा चिन्तन रहेको थियो।

पोखराको सुन्दरता र पोखरेली लोक संस्कृतिलाई जोगाउन सम्बन्धित सबै पक्षलाई झकझकाउने मुख्य उद्देश्य रहेको पोखरेली युवा सांस्कृतिक परिवारका अध्यक्ष दिपक समिपले बताए। प्रेरणा मरासिनीले मध्यस्थकर्ताको भूमिका खेलेकी थिइन् ।