लगातार दोस्रो उपाधिको दाउमा एपीएफ

काठमाडौं- ललितपुर मेयर महिला टी २० क्रिकेट च्याम्पियनसिपको फाइनल खेल आज हुँदैछ। प्रतियोगिताको फाइनल खेलमा विभागिए टिम एपीएफले सुदूरपश्चिम प्रदेशको सामना गर्ने भएको छ।

पहिलो संस्करणको समेत विजेता रहेको एपीएफ आज जित निकाल्दै दोस्रो संस्करणको उपाधि पनि आफ्नो हातमा लिन चाहन्छ। कीर्तिपुरको क्रिकेट मैदानमा जारी प्रतियोगितामा एपीएफ अहिलेसम्म अपराजित रहेको छ।

एपीएफले पछिल्लो खेलमा लुम्बिनीलाई १० विकेटले हराएको थियो भने ललितपुर मेयर ११ लाई ४२ बल बाँकी रहँदै सात विकेटले हराएको थियो। त्यस्तै, सुदूरपश्चिमलाई पनि एपीएले सहजै हराइसकेको छ।

उसले प्रतियोगिताको आफ्नो दोस्रो खेलमा सुदूरपश्चिमलाई छ विकेटले हराएको थियो। त्यस्तै, फाइनल पुग्न नसकेको अर्को बलियो प्रदेश १ लाई एपीएफले सात विकेटले हराएको थियो।

यसरी हेर्दा एपीएफल बलियो देखिए पनि आजको खेलमा एपीएफलाई हराउँदै सुदूरपश्चिम पहिलो पटक उपाधि जित्न चाहन्छ।