एमसीसी सदनमा टेबल गरेर त्यहीबाट फैसला गर्नुपर्छ : एनपी साउद

नेपाली कांग्रेसका नेता एनपी साउदले अमेरिकी सहयोग परियोजनासम्बन्धी सम्झौता एमसीसीलाई सदनमा लगेर त्यहीबाट फैसला गर्नुपर्ने बताएका छन्।

नेपाल समय | शनिबार, फागुन ७, २०७८

नेपाल समय

शनिबार, फागुन ७, २०७८

एमसीसी सदनमा टेबल गरेर त्यहीबाट फैसला गर्नुपर्छ : एनपी साउद

कञ्‍चनपुरमा आयोजित कार्यक्रममा सहभागी कांग्रेस नेता एनपी साउद।

काठमाडौं- नेपाली कांग्रेसका नेता एनपी साउदले अमेरिकी सहयोग परियोजनासम्बन्धी सम्झौता एमसीसीलाई सदनमा लगेर त्यहीबाट फैसला गर्नुपर्ने बताएका छन्।

गृहजिल्ला कञ्‍चनपुरमा आयोजित एक कार्यक्रमलाई सम्बोधन गर्दै नेत साउदले एमसीसीलाई सदन लगेर अनुमोदन गर्नुपर्ने बताएका छन्। उनले भने, 'लोकतन्त्रमा सरकारले अघि बढाएका प्रस्तावहरु संसद्‌‌मा लैजान भन्‍न पाइन्छ? सभामुखज्यू, सदनमा टेबल गर्नुस त्यँही फैसला हुन्छ।'

उनले प्रधानमन्त्री शेरबहादुर देउवाले अघिल्लो कार्यकालमा हस्ताक्षर गरेको र त्यसमा कुनै राष्ट्रघाती बुँदा नभएकोसमेत बताएका छन्। उनले थपे, 'अहिले पढेलेखेकाहरुले यसको विरोध गरेका छैनन्।'

सरकारले स्थानीय तहको निर्वाचनको मिति घोषणा गरिसकेका कारण तयारीमा जुट्न पनि कार्यकर्तालाई निर्देशन दिएका छन्।

प्रकाशित: Feb 19, 2022| 18:18 शनिबार, फागुन ७, २०७८