ट्रिटन फुटसल कप शुरु, राजधानीका ३६ कलेज सहभागी

काठमाडौं–ट्रिटन इन्टरनेशनल कलेजको आयोजनामा राजधानीमा तीन दिने ट्रिटन फुटसल कप शुरु भएको छ । संखमूल फुटशलमा साउन ६ देखि ८ गले सम्म चल्ने अन्तर कलेज फुटसल प्रतियोगितामा काठमाडौं उपत्यकाका ३६ कलेजका टिमको सहभागिता जनाएका छन् । 

प्रतियोगिताको उद्‍घाटन कलेजका भाइस प्रिन्सिपल श्रीकृष्ण विष्ट र एडमिन तथा अप्रेशन चिफ रितु न्यौपानले गरेका थिए ।ट्रिटन इन्टरनेशनल कलेजमा बीएस डब्लु अध्ययनरत विद्यार्थीहरुको अग्रसरतामा प्रतियोगिता आयोजना गरिएको ट्रिटनका इसीए संयोजक मनिष बस्नेतले जानकारी दिए । कलेज प्रतिभालाई प्रोत्साहन गर्दै  विद्यार्थीमा सामाजिक उत्तरदायित्व बोध गराउने उद्देश्यले आयोजित प्रतियोगिताबाट उठेको केही रकम माइती नेपालमा रहेका बालबालिको शैक्षिक विकासका लागि प्रदान गरिने आयोजकले बताएकोछ ।

उद्घाटन खेलको भिडियो हेर्नुहोस्


प्रतियोगितालाई अब हरेक वर्ष आयोजना गरिनेछ । ट्रिटन फुटसल कपको बिजनेस पार्टनर डिभी ग्रुप अफ कम्पनिज रहेको छ भने मिडिया पार्टनर नेपाल समय डटकम छ ।  त्यस्तै प्रतियोगिताको मेडिकल पार्टनर नेसनल क्यान्सर हस्पिटल रहेको आयोजकले जनाएको छ । प्रतियोगिता सञ्चालनका लागि अक्वा वर्ल्ड, अक्वा प्राइम, ओम शान्ति टेलर्सले प्रायोजन गरेको छ ।

प्रतियोगितामा प्रथम हुने टोलीले ५० हजार र दोस्रो हुने टोलीले ३० हजार नगदसहित प्रमाणपत्र र शिल्ड प्राप्त गर्नेछन् ।