पत्रकार न्यौपानेको 'स्कुल बेच्ने बालक'

काठमाडौं– पत्रकार दामोदर न्यौपानेले आफ्नो पाँचौं कृति 'स्कुल बेच्ने बालक' बजारमा ल्याएका छन् । 

उनको पुस्तक बाल मनोविज्ञानमा आधारित छ । काठमाडौं विश्वविद्यालयका पूर्वउपकुलपति डा. सुरेशराज शर्मा, साहित्यकार विनय कसजू, बालअधिकार अभियन्ता गौरव पोखरेल, अक्षरा स्कुलकी प्रिन्सिपल अञ्जु भट्टराई, शिखा बुक्सका प्रकाशक पुष्पराज पौडेल र न्यौपानेका साढे चार वर्षका पुत्र हार्दिकले शनिबार उक्त पुस्तक लोकार्पण गरेका हुन् । 

पत्रकार न्यौपानेका यसअघि 'एम्बुसमा ६ वर्ष', 'कर्मः सिकाइमा गहिरिएको खाडल', 'स्वर्णिम समय', 'ट्यालेन्ट सो' नामक पुस्तक बजारमा आइसकेका छन् । आवाजविहीन बालबालिकाको आवाज मुखरित गर्ने उद्देश्यले पछिल्लो कृति लेखेको न्यौपानेले बताए ।