एसी मिलानमाथि लगाएको प्रतिबन्ध फुकुवा

काठमाडौं- युरोपियन फुटबलको सर्वोच्च निकाय (युइएफए) ले इटालियन क्लब एसी मिलानमाथि लगाएको प्रतिबन्ध फुकुवा गरेका छन्। युइएफएले शुक्रबार एक विज्ञप्ति जारी गर्दै मिलानमाथि लागेको प्रतिबन्ध फुकुवा भएको उल्लेख गरेको छ। 

प्रतिबन्ध फुकुवासँगै मिलानले यो सिजन २०१८–१९ को सिजनको युरोपा लिग खेल्न पाउने भएको छ। मिलानले इटालियन सिरी ‘ए’ मा अघिल्लो सिजन छैटौ स्थानमा लिग सकाएको थियो। 

कोर्ट अफ आर्बिटेसन (कास) ले मिलानले क्लब लाइसेनिङ र फाइनान्सियल फेयर प्ले को नियमावाली उल्लङ्घन गरेको भन्दै यही जुनमा मिलानलाई युरोपा लिगमा प्रतिबन्ध लगाउने निर्णय गरेको थियो। तर, मिलानले तत्कालै कासमा अपिल गरेपछि कासले मिलानको पक्षमा शुक्रबार निर्णय गरेको हो।