युएईसँग नेपाल २५ रनले पराजित

काठमाडौं- ओमनमा जारी चारदेशीय शृंखला अन्तर्गत आज सम्पन्न खेलमा टस जितेर सुरुमा बलिङ गरेको नेपालले २५ रनको हार बेहोरेको छ।

१९३ रनको लक्ष्य पछ्याएको नेपालले पुरा ओभर खेल्दै पाँच विकेटको क्षतिमा १६७ रन मात्र बनाउन सकेपछि नेपालले हार बेहोरेको हो। पहिलोपारीमा यूएईले पुरा ओभर खेल्दै तीन विकेटको क्षतिमा १९२ रन बनाएको थियो।

नेपालका ओपनर ज्ञानेन्द्र मल्ल १९ बलमा २२ रन बनाउँदै आउट भए। त्यस्तै, दोस्रो विकेटमा रुपमा नेपालले आशिफ शेखलाई गुमाएको हो। आशिफले २९ बलमा ३४ रन बनाएका छन्।

तेस्रो नम्बरमा दिपेन्द्र सिंह ऐरी र चौथो नम्बरमा आरिफ शेख मैदान प्रवेश गरेका थिए। उनीहरुले क्रमशः ४१ र ११ रन बनाउन सके। त्यस्तै, आज डेब्यू गरेका लोकेश बमले २१ बलमा ३१ रनको योगदान दिएका थिए।

यता यूएईका रोहन मुस्तफ र कसिफ डुडले समान २-२ विकेट लिँदा जुनैद सिद्दगीले एक विकेट गिराए।

त्यसअघि इयूएईका मोहम्मद वासिमले २२ रन बनाए भने रोहन मुस्तफा अर्धसतक बनाउन १ रनले चुके। त्यस्तै, अर्धसतकिय इनिङ खेलेका चिराग सुरीले बलमा  रन बनाउँदा बसिल अहमदले पनि १७ रन जोडे।मोहम्मद बोराले पनि १४ रनको योगदान गरे।

नेपालका शाहब आलम, सन्दिप लामिछाने र आरिफ शेखले समान १-१ विकेट गिराए। नेपालका शाहब आलमले एकै ओभरमा २२ रन खर्चिए। यूएईविरुद्ध उनले नै सबैभन्दा धेरै  खर्चिलो ओभर खेले। त्यस्तै, विबेक यादबले पनि एकै ओभरमा २० रन दिए। नेपालले पहिलो खेलमा ओमनलाई छ विकेटले हराएको थियो।