नेपालले लियो ओमनको चार विकेट

काठमाडौं– ११ ओभर सकिँदा नेपालले ओमनको चार विकेट गिराएको छ। ओमनमा जारी पहिलो खेलमा नेपालले राम्रो बलिङ गर्दै ओमनको चार विकेट गिराएको हो।

पहिलो बलमै नेपालले जितेन्द्र सिंहलाई आउट गराएपछि  ओमनविरुद्ध दोस्रो विकेट गिराएर सानदार सुरुआत गरेको छ।  कप्तान सन्दीप लामिछानेको डेब्यू कप्तानीमा नेपालले सानदार सुरुआत गरेको हो। 

तुलनात्मक रुपमा बलिङमा कमजोर देखिएको भन्ने विश्लेषण गरिएको नेपालको टिमले पहिलो खेलमा सानदार सुरुआत गरेको हो। त्यसअघि दोस्रो ओभरको अन्तिम बलमा नेपालका अभिनास बोहराले ओमनका काश्यकप प्रजापतिको विकेट गिराएका थिए।

नेपालका लागि अभिनास बोहरा, आरिफ शेख, सन्दीप लामिछाने र कमल ऐरीले समान १–१ विकेट गिराएका छन्। दुवै खेलाडीले समान १–१ ओभर बलिङ गरका छन्।

सन्दीपको कप्तानीमा विवेक यादवले नेपाली राष्ट्रिय सिनियर क्रिकेट टिममा डेब्यु गरेका छन्। आजको खेलमा करण केसी र कुशल भुर्तेल भने बेञ्चमै रहेका छन्।

नेपालविरुद्ध ओमनका काश्यकपले ११, जितेन्दर सिंहले १३ रन बनाउँदा सोएब खानले ११ र आयन खानले ११ रन बनाएका छन्।