'देश बिर्सेर' ल्याए नरेशले 

 काठमाडौं- कथाकार नरेश नातिको कथा देश बिर्सेर’सावन ३ गते राजधानीको प्रज्ञा-प्रतिष्ठानमा विमोचन भएको छ। 

बेलायत बस्दै आएका नरेश गीतकार मुक्तकार संगीत मर्मज्ञका साथै राम्रो बाद्यवादक पनि हुन्।
 
कार्यक्रममा प्रमुख अतिथि नेपाल प्रज्ञा-प्रतिष्ठानका पूर्व कुलपति एवम् वरिष्ठ कवि वैरागी काइलाले कृतिको लोकार्पण गरेका हुन्। विमोचनकै क्रममा कुलपति काइँलाले नरेश बहुमुखी प्रतिभाका धनी रहेको समेत बताए।
 
कवि कथाकार प्राज्ञ मातृका पोखरेलले नेपाली साहित्यमा लाहुरे समुदाय र वैदेशिक रोजगारीमा रहेका श्रमिकहरूको कथा लेखिएको बताए। अर्का वक्ता श्रवण मुकारुङले नरेशका कथामा रचनामा स्पेश र समयानुसारको विषयलाई उठान गरिएको बताए।
  
समालोचक महेश पौड्यालले निरेशको कथाहरू सत्यको नजिक रहेका बताए। साथै कृतिकारको समयमा रहेको अनुभूति र भोगाइहरूकै जगमा उभिएर लेखिएको बताए। कार्यक्रम नेपाली वाङ्मय परिषद् तथा नेपाली प्रतिभा प्रतिष्ठान बेलायतले गरेको थियो।