बेइजिङ ओलम्पिकमा नर्वेलाई २ स्वर्ण

बेइजिङ ओलम्पिकमा सबैभन्दा पहिले स्वर्णबाट खाता खोल्ने देश नर्वे बनेको छ।

नेपाल समय | आइतबार, माघ २३, २०७८

नेपाल समय

आइतबार, माघ २३, २०७८

काठमाडौं – बेइजिङ ओलम्पिकमा सबैभन्दा पहिले स्वर्णबाट खाता खोल्ने देश नर्वे बनेको छ। शुक्रबारबाट सुरु भएको शतीकालीन ओलम्पिकमा नर्वेले विजेताको खाता खोलेको हो।

अहिले दुई विधामा स्वर्ण जितेको नर्वे मेडल तालिकाको शीर्षस्थानमा छ। उसले पसिल्भर र ब्रन्ज भने जित्न सकेको छैन। त्यस्तै, दुई पदक जित्नेमा नर्वेसँगै स्लोभेनियाँ पनि छ। उसले एक स्वर्ण र एक काश्य पदक जितेको छ।

त्यस्तै, आयोजक चीनले अहिलेसम्म एक स्वर्ण जित्न सफल भएको छ। एक स्वर्ण जित्नेमा चीनसँगै नेदरल्यान्ड्स, न्युजिल्यान्ड र स्विडेन छन्। इटाली, क्यानडा र रसियन ओलम्पिक कमिटीले स्वर्ण नजिते पनि समान २–२ पदक हात परेका छन्।

अन्तर्राष्ट्रिय ओलम्पिक कमिटीले रसियामाथि प्रतिबन्ध लगाएपछि रसियाका खेलाडी त्यहाँको ओलम्पिक कमिटीबाट प्रतिनिधित्व गरिरहेका छन्।

प्रकाशित: Feb 06, 2022| 09:25 आइतबार, माघ २३, २०७८