क्यामरुनलाई टाइब्रेकरमा हराउँदै इजिप्ट अफ्रिका कपको फाइनलमा

काठमाडौं- क्यामरुनलाई टाइब्रेकरमा हराउँदै इजिप्टले अफ्रिका कप अफ नेसन्सको फाइनलमा स्थान पक्का गरेको छ।

क्यामरुनमा जारी प्रतियोगिताको बिहीबार राति सम्पन्न दोस्रो सेमिफाइनलमा आयोजक क्यामरुनलाई हराउँदै इजिप्टले फाइनलमा स्थान पक्का गरेको हो।

खेलको निर्धारित ९० मिनेटसम्म कुनै गोल नभएपछि निर्णयका लागि अतिरिक्त ३० मिनेट थप गरिएको थियो। तर, थप गरिएको  समयमा पनि गोल हुन सकेन। त्यसपछि खेल पेनाल्टी सुटआउटमा पुगेको थियो।

पेनाल्टीमा इजिप्टका अहमद सयद, मोहम्मद अकडेल्मोनेम र मोहन्द लसिनले गोल गरेका थिए। यता क्यामरुनका भिनसेन्ट अबोउबकरले मात्र गोल गर्न सकेन। यससँगै ३–१ ले इजिप्ट विजयी भयो।

अब इजिप्टले उपाधिका लागि फाइनलमा सेनेगलको सामना गर्नेछ। सेनेगलले अघिल्लो सेमिफाइनलमा बुर्किना फासोलाई हराएर फाइनलमा स्थान पक्का गरेको थियो। 

फाइनल खेल आइतबार राति हुनेछ। त्यस्तै, तेस्रो स्थानका लागि हुने खेल भने शनिबार राति हुनेछ। तेस्रो स्थानका लागि बुर्किना फासो र क्यामरुन भिड्नेछन्।