गायक बने क्रिकेटर सन्दिप लामिछाने 

काठामाडौं-चर्चित क्रिकेटर सन्दिप लामिछाने यतिखेर गायक तथा संगीतकार पनि भएका छन् । खेल दुनियामा आउनुअघि उनी गुनगुनाउथे । अहिले त्यही गाउने रहर पूरा गरेका छन् । 
 
विनोद तिमिल्सिनाको शब्द रहेको ‘उदास थियो’ बोलको गीतको अफिसियल भिडियो सार्वजनिक भएको छ । गीतको म्युजिक भिडियोमा नायक जीवन भट्टराई र सृष्टि खड्काको अभिनय छ । 

सुत्र इन्टरटेन्मेन्टको आधिकारिक च्यानल मार्फत सार्वजनिक गरिएको म्युजिक भिडियोलाई निशान घिमिरेले निर्देशन गरेका छन भने अर्जुन तिवारीले खिचेका हुन् । 
त्यसैगरी सनिश सुनुवारको म्युजिक एरेन्ज रहेको गीतमा विकास दाहालले सम्पादन गरेका हुन् ।