मैत्रीपूर्ण फुटबल खेल्न नेपाल आइपुग्यो मोरिससको फुटबल टिम

काठमाडौं- मोरिससको राष्ट्रिय फुटबल टिम दुई मैत्रीपूर्ण खेलका लागि नेपाल आइपुगेको छ। यही माघ १५ र १८ गते आयोजित दुई खेलका लागि मोरिससको टिम नेपाल आइपुगेको हो।

‘मोरिसको टिम नेपाल पुगेको छ। त्यहाँ हाम्रा खेलाडीले न्यानो स्वागत पाएका छन्,’ मोरिससको फुटबल संघले फेबुकमा खेलेको छ।

अब मोरिससको अभ्यास भोलिलाई राखिएको छ।

अब नेपाल र मोरिससको खेल आगामि शनिबार हुने तय छ। यता नेपालमा कोभिड १९ का महामारी व्यप्त छ। यसकारण खेल हेर्न जाँदा कोभिडविरुद्धको खोप लाएको कार्ड लिएर जानुपर्ने नियम राखिएको छ।

त्यस्तै, रंगशालाको क्षमताको एक तिहाई मात्र दर्शन राख्नुपर्ने नियम नेपाल सरकारको छ। साथै रंगशालामा उपस्थित दर्शकमध्ये एक तिहाई दर्शकलाई आयोजकले कोभिड टेस्टमसमेत गर्नुपर्ने छ।

यी दुई मैत्रीपूर्ण खेलका लागि नेपाली टिम पछिल्लो हप्ताबाट नियमित अभ्यासमा छ। नेपाली टिमका मूख्य प्रशिक्षक अब्दुल्लाह अलमुताईरीले ३५ खेलाडीलाई बन्द प्रशिक्षणमा बोलाएका थिए।