पुलिसलाई हराउँदै मनाङ आहा राराको अन्तिम चारमा

पोखरामा जारी २०औं संकरणको आहा रारा गोल्डकपको सर्वाधिक विजेता दुई टिम हुन मनाङ मर्स्याङ्दी क्लब र विभागीय नेपाल पुलिस क्लब।

नेपाल समय | सोमबार, माघ १०, २०७८

नेपाल समय

सोमबार, माघ १०, २०७८

पुलिसलाई हराउँदै मनाङ आहा राराको अन्तिम चारमा

काठमाडौं- पोखरामा जारी २०औं संकरणको आहा रारा गोल्डकपको सर्वाधिक विजेता दुई टिम हुन मनाङ मर्स्याङ्दी क्लब र विभागीय नेपाल पुलिस क्लब।

पोखरा रंगशालामा आइतबार यी दुई टिमबीचलको खेल थियो। तर छ पटकको विजेता पुलिसलाई हराउँदै मनाङले सेमिफाइनलमा स्थान बनाएको छ।

आइतबार दिउँसो सम्पन्न खेलमा पुलिसले मनाङसँग २-० गोलको हार बेहोरेको हो। योसँगै पुलिसको यो सिजनको यात्रा टुंगिएको छ। यता, मनाङ र पुलिसकै लिगको खेलमा पनि मनाङले जित निकालेको थियो।

पोखरा रंगशालामै भएको त्यो खेलमा पुलिसले ३-० गोलको हार बेहोरेको थियो। आजको खेलमा मनाङलाई जित दिलाउन रुपेश केसी र ओलावाले अफिजले गोल गरे।

खेलको पहिलो हाफमा गोल नभए पनि दोस्रो हाफमा दुई गोल गर्दै मनाङले जित निकालेको हो। अब मनाङले सेमिफाइनलमा त्रिभुवन आर्मी क्लब र थ्रिस्टार क्लबको विजेतासँग खेल्नेछ।

प्रकाशित: Jan 24, 2022| 08:00 सोमबार, माघ १०, २०७८