काठमाडौं- अन्तराष्ट्रिय क्रिकेट परिषद् (आईसीसी) ले श्रीलंकका कप्तान दिनेस चन्डिमल, म्यानेजर आशंका गुरुसिंघे र प्रशिक्षक चन्डिका हथुरुसिंघे माथि चार वनडे र दुई टेष्ट खेलमा प्रतिबन्द लगाएको छ ।
उनीहरु तीनै जनालाई गत महिना वेस्ट इन्डिजसँग भएको सेन्ट लुसिया टेष्टमा खेल भावना विपरित खेलेको भन्दै प्रतिबन्द लागाएको हो ।
चन्डिमललाई बल टेम्परिङ गरेको आरोप लगाएको विरोधमा टेष्ट खेलको तेस्रो दिनको खेल दुई घण्टा ढिलो शुरु भएको थियो । यिनी तीनवटैको नाममा ६ अंक (डिमेरिट प्वाइन्ट) राखिएको छ ।
आईसीसीले लगाएको प्रतिबन्धमा दक्षिण अफ्रिकासँग हुने घरेलु दुई टेष्ट र पाँच वनडे मध्येबाट चार खेल समावेश छन् । चन्डिमालको क्रिकेट रेकर्डमा १० डिमिरेट अंक रहेको छ ।
यदि २४ महिना भित्र १२ अंक पुगे उनलाई तीन टेष्ट वा ५ वनडे वा टि–२० खेलका लागिथ प्रतिबन्ध लाग्न सक्नेछ ।
प्रकाशित: Dec 31, 2017| 18:23 आइतबार, पुस १६, २०७४