अर्जेन्टिना फुटबल संघसँग साम्पोली सम्झौता नविकरण नगर्ने

नेपाल समय | आइतबार, पुस १६, २०७४

नेपाल समय

आइतबार, पुस १६, २०७४

^{काठमाडौं- अर्जेन्टिना फुटबल संघ (एएफए) र प्रशिक्षक जर्ज साम्पोलीबीच सम्झौता नविकरण नगर्ने सहमती भएको छ।

रुस विश्वकपमा खराब प्रदर्शनपछि साम्पोली र एएफएबीच सम्झौता नवीकरण नगर्न सहमत भएका हुन्। विश्वकपमा सोचेजस्तो प्रदर्शन गर्न नसकेपछि प्रशिक्षक साम्पोलीले एएफएको सहमतिमा पद छाडेको बीबीसीले जनाएको छ। एएफएले भनेको छ, ‘आज एसोसिएसन र राष्ट्रिय टोलीका पूर्व प्रशिक्षक साम्पोली सम्झौता अन्त्य गर्न सहमत भएका छौं।’

रुसमा आइतबार सम्पन्न विश्वकपमा अर्जेन्टिना अन्तिम १६ बाट बाहिरिएको थियो । प्रि–क्वार्टरफाइनलमा अर्जेन्टिना फ्रान्ससँग ४–३ ले पराजित भएको थियो । ५८ बर्षिय साम्पोली सन् २०१७ मे मा प्रशिक्षक नियुक्त भएका थिए।

साम्पोलीसंगै फिजियो जोर्गे डेसियो र भिडियो एनालिस्ट माटीअस मन्नाले पनि पद छाडेका छन् । दक्षिण अमेरिकी राष्ट्र चिली र स्पेनिस क्लब सेभियाका पूर्व प्रशिक्षक साम्पोलीले समूह चरणमा क्रोएसियासँग बेहोरेको ३-० को हारको जिम्मेवारी लिदै समर्थकहरुसँग बिन्तीसहित क्षमा मागेका थिए। एएफएले साम्पोलीको स्थानमा अर्जेन्टिनाकै पूर्व खेलाडी जर्ज बुरुचागालाई प्रशिक्षक बनाउने प्रयास थालेको छ ।}

प्रकाशित: Dec 31, 2017| 18:23 आइतबार, पुस १६, २०७४