विश्वकपमा बेल्जियम तेस्रो : इंग्ल्यान्ड २-० ले पराजित

काठमाडौं- विश्वकप २०१८ मा बेल्जियम तेस्रो हुदै घर फर्किएको छ । तेस्रो स्थानका लागि रुसको सेन्ट पिटर्सबर्ग स्टेडियममा भएको खेलमा इंग्ल्यान्डलाई २–० ले पराजित गर्दै तेस्रो भएको हो । 

खेलको चार मिनेटमा नै गोल गर्दै बेल्जियमले शुरुवाती अग्रता लिएको थियो । शुरुवाती अग्रता बेल्जियमका थोमस मिउनिरेले दिलाएका थिए । उनले नासेर चाड्लीको पासलाई उत्कृष्ट गोलमा परिणत गरेका थिए । 

शुरुवाती समय देखिनै दबाबमा राखे पनि इंग्ल्यान्डले गोल गर्न भने सकेन । पहिलो हाफमा १–० को अग्रता लिएको बेल्जियमले खेलको ८२ औं मिनेटमा बेल्जियमका कप्तान इडेन हाजार्डले गोल गर्दै अग्रता दोब्बर बनाएका थिए । उनले डि ब्रुइनको पासको सदुपयोग गर्दै गोल गरेका हुन् । 

बेल्जियमको यो सफलता विश्वकप इतिहासकै पहिलो सफलता हो । सन् १९८६ मा सेमिफाइनल पुगेको बेल्जियम अर्जेन्टिनासँग पराजिछत हुदै बाहिरिएको थियो ।

पछि तेस्रोस्थानका लागि भएको खेलमा फ्रान्ससँग ४–२ ले पराजित हुदै चौथो भएको थियो । विश्वकप २०१८ को समूह चरणको अन्तिम खेलमा आमने सामने हुदा बेल्जियम टोलीले इंग्ल्यान्डलाई १–० ले हराएको थियो । 

समूह चरणको अन्तिम खेलमा दुवै टोलीले दोस्रो रोजाईका खेलाडीलाई मैदानमा उत्रारेको थियो । फाइनल पुग्न असफल भएपछि दुवै टोली विश्व कपबाट कम्तीमा तेस्रो भएर फर्कने लक्ष्यका साथ मैदान उत्रिएका थिए, तर इंग्ल्यान्ड २-० ले पराजित हुँदै चौथो भयो ।  

बेल्जियम सेमिफाइनलमा फ्रान्ससँग १–० ले तथा इंग्ल्यान्ड क्रोएसियासँग थप समयमा २–१ ले पराजित हुँदै फाइनल पुग्नबाट रोकिएको थियो । केन ६ गोलसहित गोल्डेनबुटको दाबीमा अग्रस्थानमा छन्  भने रोमेलु लुकाकुको ४ गोल छ ।