वर्षापछि बुटवलका विद्यालयमा २ दिन बिदा

बुटवल- वर्षासँगै चिसो बढेपछि बुटवल उपमहानगरका विद्यालय दुई दिनका लागि बन्द हुने भएका छन्।चिसो बढ्दै गएपछि विद्यार्थीहरूको स्वास्थ्यलाई दृष्टिगत गर्दै उपमहानगरले विद्यालय बन्द गर्ने निर्णय गरेको हो। 

उपमहानगरका प्रमुख प्रशासकीय अधिकृत वीरेन्द्र भारतीले बुधबार एक विज्ञप्ति जारी गर्दै विद्यालयले दिने वर्षे/हिउँदे बिदाबाट बिदा मिलान गर्ने गरी पौष १५ र १६ गते २ दिनका लागि बिदा गर्न भनिएको छ। 

उपमहानगर अन्तर्गत रहेका सामुदायिक तथा संस्थागत सबै विद्यालय बिहीबार र शुक्रबार बन्द रहनेछन्। वर्षापछिको चिसाेले जनजीवन प्रभावित भएकाे छ।