काठमाडौं– कैलालीको फिप्ला क्रिकेट मैदानमा जारी प्रधानमन्त्री कप महिला राष्ट्रिय क्रिकेट प्रतियोगिताको फाइनल खेल आज हुँदैछ। आइतबार हुने फाइनल खेलमा उपाधिका लागि साबिक विजेता प्रदेश १ ले विभागीय टिम एपीएफको सामना गर्नेछ।
त्यसैले आजको खेल नेपाली महिला घरेलु क्रिकेटको निकै बलिया टिमको खेल पनि हो। प्रदेश १ को कप्तानी रुविना क्षेत्रीले गरिरहेकी छन् भने एपीएफको कप्तानमा सिता राना मगर छिन्।
गतवर्ष काठमाडौं बाहिर नै सम्पन्न प्रतियोगिताको फाइनलमा एपीएफलाई हराउँदै प्रदेश १ ले उपाधि जितेको थियो।
यो वर्षको प्रतियोगितामा प्रदेश १ ले सेमिफाइनलमा सुदूरपश्चिमलाई हराउँदै फाइनल पुगेको हो भने एपीएफले लुम्बिनीलाई हराएर फाइनल पुगेको हो।