माल्दिभ्सविरुद्ध नेपालको सानदार जित

काठमाडौं- सेन्ट्रल जोन महिलामा नेपालले माल्दिभ्सविरुद्ध सानदार जित निकालेको छ। बंगलादेशको ढाकामा शुक्रबार बिहान सम्पन्न खेलमा नेपालले माल्दिभ्सलाई ३-० को सोझो सेटमा हराएको हो।

सुरुबाटै खेलमा दबाब बनाएको नेपालले पहिलो सेटमै २५-११ को सानदार जित निकाल्यो। नेपालका सरस्वति चौधरी र सुनिता खड्काले सानदार प्रदर्शन गरे। नेपालले दोस्रो सेटमा  २५-९ को जित निकाल्यो भने तेस्रो सेटमा माल्दिभ्सलाई २५-५ ले हरायो।

योसँगै नेपालले दुई खेलमा जित निकालेको छ। दुई खेलमा जित निकाल्दै नेपालले पाँच अंक बनाएको छ। पछिल्लो खेलमा नेपालले श्रीलंकाविरुद्ध ३-२ सेटमा जित निकाल्दा दुई अंक जोडेको थियो भने आजको खेलमा ३-० को जित निकाल्दै पुरा तीन अंक आफ्नो बनाएको छ।

नेपालले तेस्रो खेलमा घरेलु टिम बंगलादेशससँग डिसेम्बर २५ मा खेल्नेछ भने समूहको अन्तिम खेलमा उज्ज्वेकिस्तानसँग खेल्नेछ।

यता पुरुषतर्फ शुक्रबार नै नेपालले उज्ज्वेकिस्तानसँग खेल्नेछ। नेपाली पुरुष टिमले पहिलो खेलमा आयोजक बंगलादेशसँग हार बेहारिसकेको छ।