इङ्ल्याण्डविरूद्ध क्रोएशियाको पहिलो गोल

काठमाडौं- रुसमा जारी विश्वकप फुटबल अन्तर्गत क्रोएशिया र इङ्ल्याण्डकबीचको खेलमा १-१ बराबरीमा पुगेको छ । खेलको पाँचौ मिनेटमा लिएको अग्रतालार्इ जोगाउन नसक्दा क्रोएशियाले खेलको ६८ औ मिनेटमा एक गोल गर्दै खेललार्इ बराबरीमा पुर्‍यायो ।

आइभन भेरिसिकले गरेको गोलले दुवै टोलीलार्इ बराबरीमा पुर्यायो । यसअघि खेलको पाँचौ मिनेटमा गरेको गोलको अग्रताले पहिलो हाफ सकिँदासम्म इङ्ल्याण्डले क्रोएशिया विरूद्ध १-० को अग्रता लिएको थियो। 

डिबक्सबाहिर फल भएपछि क्रोएशियाविरूद्ध इङ्ग्ल्याण्डले फ्री-कीक पाएको थियो। त्यही मौकाको ट्रिपियरले सही सदुपयोग गर्दै खेललार्इ १-० को अन्तरमा पुर्‍याएका थिए ।  

खेल रुसको राजधानी मस्कोस्थित लुझनिकी रंगशालामा जारी छ । पहिलो सेमिफाइनलमा बेल्जियमलार्इ पराजित गर्दै फ्रान्सले फाइनलको यात्रा तय गरेको छ । उपाधिका लागि आजको विजेताले फ्रान्ससँग प्रतिस्पर्धा गर्नेछ ।