सिल्क ग्रुप र टेलिकम च्याम्पियनसिपको फाइनलमा

काठमाडौं- राजधानीमा जारी काठमाडौं टिम च्याम्पियनसिप कर्पोरेट ब्याडमिन्टन च्याम्पियनसिपको फाइनलमा सिल्क ग्रुप र नेपाल टेलिकम पुगेका छन्।

दशरथ रङ्गशालाको कभर्डहलमा भएको सेमिफाइनलमा नेपाल विद्युत प्राधिकरणलाई ३–१ ले पराजित गर्दै सिल्क फाइनल प्रवेश गरेको हो। फाइनल प्रवेश गर्ने क्रममा सुरुको दुई खेल सिल्कका विकास श्रेष्ठ र अनुमाया राईले जित निकाल्दै खेललाई २–० को अग्रता लिए।

विकासले विद्युतका दीपक बोहरालाई २१–१८, २१–१७ ले तथा अनुमायाले विद्युतकी शोभा गौचनलाई २१–१६, १८–२१, २१–१३ ले पराजित गरेका थिए। तेश्रो खेलमा बिद्युतका श्रीप्रसाद धिमाल र राजु महर्जनको जोडीले सिल्कका सुवास अधिकारी र रमेश शेर्पाको जोडीलाई २१–११, २१–१४ ले पराजित गर्दै खेललाई २–१ को अवस्थामा पुर्‍याए।

यस्तै खेललाई आफ्नो पक्षमा पार्ने क्रममा सिल्कका अनुमाया राई र ताशी शेर्पाको जोडीले विद्युतका शोभा गौचन र याम कुमारी गुरुङ्गको जोडीलाई २१–१३, २१–१९ले पराजित गर्दै खेललाई ३–१ ले आफ्नो पक्षमा पार्दै फाईनल यात्रा तय गरेको हो।

काठमाडौं ब्याडमिन्टन एकेडेमीको आयोजना नेपाल ब्याडमिन्टन संघ र काठमाण्डौ जिल्ला ब्याडमिन्टन संघको सहयोगमा भएको च्याम्पियनसिपमा नेपाल आईल कर्पोरेसन र नेपाल टेलिकम विच भएको खेलमा टेलीकमले बाजी मार्दै फाईनलमा सिल्क संगको भेट पक्का गर्‍यो।

पहिलो खेलमा टेलिकमका रत्नजित तामाङ्गले आयल निगमका बिष्णु कटुवाललाई २१–७, २१–१०ले पराजित गर्दै खेललाई १–०को अवस्थामा पुर्‍याए।

दोश्रो खेलमा आईल कर्पोरेशनकी रशिला महर्जनले टेलीकमकी सिमा राजबंशीलाई २१–१२, २१–८ ले पराजित गर्दै खेललाई एक एकको बराबरीमा ल्याइन्।

 तेश्रो खेलमा टेलिकमका सुरेन्द्र सिंह कार्की र हरिकृष्ण शर्माको जोडीले आईल कर्पोरेशनका लक्ष्मण बिश्वकर्मा र राम बिश्वकर्माको जोडीलाई २१–९, २१–८ ले पराजित गर्दै खेललाई २–१ को अवस्थामा पुर्‍याए। चौथो खेलमा आईल कर्पोरेशनका रशिला महर्जन र सर्मिला कटुवालको जोडीले टेलीकमका जे.टी.गुड्डी कार्की र सिमा राजबंशीको जोडीलाई २१–१२, १६–२१, २१–८ ले पराजित गर्दै खेललाई दुई दुईको अवस्थामा पुर्‍याए।

पाँचौ तथा अन्तिम खेलमा टेलीकमका हरिकृष्ण शर्मा र रत्नजित तामाङ्गको जोडीले आईल कर्पोरेशनका राम बिश्वकर्मा र बिष्णु कटुवालको जोडीमाथि २१–१८, २१–९ को जित निकाल्दै ३–२ का साथ फाईनल यात्रा तय ग¥यो।

फाइनल शुक्रबार दिनको १ बजे हुने कार्यक्रम रहेको छ।