कामना सेवा फुटसल कपमा २४ टोली सहभागी हुने

काठमाडौं- पहिलो संस्करणको कामना सेवा फुटसल कप प्रतियोगितामा बैंक तथा वित्तिय संस्थाका २४ टोलीको सहभागिता रहने भएको छ।

आयोजक कामना सेवा विकास बैंकले बिहीबार पत्रकार सम्मेलन गर्दै प्रतियोगितामा २४ टोलीले प्रतिस्पर्धा गर्ने जनाएको छ।कालोपुलस्थित धन्वन्तरी फुटसलमा आयोजना हुने प्रतियोगिता शुक्रबार र शनिबार आयोजना हुनेछ।

प्रतियोगितामा सहभागी टोलीलाई ६ समूहमा विभाजन गरिएको छ। समूहको शीर्ष दुई टोलीले प्रिक्वाटरफाइनलमा स्थान बनाउने छन्।

'स्वस्थ्य शरीर स्वस्थ्य मस्तिष्क' भन्ने मर्मलाई आत्मसात गर्दै आयोजना हुन लागेको युवा तथा खेलकुद मन्त्री माननीय महेश्वर जंग गहतराजले समुद्घाटन गर्ने छन्।  यस्तै अखिल नेपाल फुटबल संघका अध्यक्ष श्री कर्मा छिरिङ शेर्पाज्यूबाट खेलको समापन गरिनेछ।

प्रतियोगिताको सम्पूर्ण व्यवस्थापन र सञ्चालन खेलपाटीले गर्नेछ भने प्राविधिक सहयोग अखिल नेपाल फुटबल संघ ९एन्फा०को फुटसल कमिटिको रहनेछ।