रामोशलाई डबल यल्लो कार्ड, बराबरीमा रोकियो पीएसजी

काठमाडौं– पेरिस सेन्ट जर्मेन पीएसजीका सेन्ट्रल डिफेन्डर सर्जियो रोमोसले लिग वानमा पहिलो पटक रेड कार्ड(डबल यल्लो) बेहोरेका छन्। लियोरेन्तेविरुद्ध खेलको ८६औं मिनेटमा उनले दोस्रो यल्लो कार्ड बेहोरेका हुन्। उनले खेलको ८१औं मिनेटमा विपक्षी टिमका खेलाडीलाई खराब ट्याकल गरेपछि पहेँलो कार्ड पाएका थिए।

र, बुधबार रातिको खेलमा पीएसजी लियोरेन्तेसँग १–१ गोलको बराबरीमा रोकिएको छ। पीएसजीका लागि माउरो इकार्डीले गोल गरे भने लियोरेन्तेका लागि थोमस मोनोकोन्डीले गोल गरे।

यो बराबरीपछि पीएसजीले शीर्षस्थानमा ४६ अंक बनाएको छ। दोस्रो र तेस्रो स्थानका निस र मार्सेको समान ३३/३३ अंक छ। चौथो स्थानको रेन्निसस पीएसजीभन्दा १५ अंक पछि छ।

गएरातिको खेलमा मार्सेले रिम्ससँग बराबरी खेलेको थियो।