भियना वार्ता केही दिनपछि फेरि सुरु हुने : इरान

तेहरान- इरानका उपविदेशमन्त्री तथा भियनाका शीर्ष वार्ताकार अली बगेरी कानीले शुक्रबार भियना आणविक वार्ता केही दिनको विश्रामपछि फेरि सुरु हुने घोषणा गरेका छन्।

बागेरी कानीले आफ्नो ट्विटर एकाउन्टमा वार्ताप्रति सन्तुष्टि व्यक्त गर्दै लेखेका छन्,'हामीले यो साता राम्रो प्रगति गरेका छौं... र हामी आज (जेसीपीओए) संयुक्त आयोग (बैठक) बोलाउनेछौं र केही समयको विश्रामपछि वार्ता जारी राख्छौं।'

इरान र २०१५ परमाणु सम्झौताका बाँकी पक्षहरू, जसलाई औपचारिक रूपमा संयुक्त व्यापक कार्य योजना भनेर चिनिन्छ।  लगभग छ महिनाको विरामपछि नोभेम्बर २९ मा भियनामा पुनः वार्ता सुरु भएको थियो।

वार्ताको उद्देश्य इरानविरुद्धको अमेरिकी प्रतिबन्ध हटाउने र सन् २०१८ मा पूर्व अमेरिकी प्रशासनले सन्धिबाट पछि हटेको र इरानमाथि पुनः प्रतिबन्ध लगाएपछि पतन हुने जोखिमको सामना गर्ने सम्झौताको पुनर्स्थापना गर्ने लक्ष्य राखिएको छ।