राखेप पूर्वपदाधिकारीका परिवारलाई आर्थिक सहयोग

काठमाडौं- राष्ट्रिय खेलकुद परिषद् (राखेप) का पूर्वपदाधिकारीका परिवारलाई सोमबार आर्थिक सहयोग प्रदान गरिएको छ।

भारोत्तोलन प्रमुख प्रशिक्षक स्व. सुनीललाल जोशी र बक्सिङ प्रशिक्षक स्व. गोपाल राईको परिवारलाई राखेपले आर्थिक सहयोग प्रदान गरेको हो। राखेपमा कार्यरत सम्पूर्ण स्थायी कर्मचारीको एक महिनाको तलबबाट १ दशमलव ५ प्रतिशत रकम कट्टा गरी सहयोग प्रदान गरिएको हो। जोशीका परिवारलाई २ लाख ७४ हजार ९ सय ६६ तथा राईका परिवारलाई २ लाख ६५ हजार ८ सय ६४ रुपैयाँ हस्तान्तरण गरे।

वरिष्ठ अधिकृतद्वय कमल खनाल र वज्र केसी, राखेप कर्मचारी संघका अध्यक्ष रञ्जन थापा तथा महासचिव फण्न्द्रि पौडेलले रकम हस्तान्तरण गरेका हुन्। जोशीको गत असार ११ तथा राईको गत पुस ३ गते निधन भएको थियो।