यस्तो बन्यो एमाले स्थायी कमिटी

काठमाडौं– नेकपा (एमाले)ले ४५ सदस्यीय स्थायी कमिटी गठन गरेको छ। आइतबार बसेको केन्द्रीय कमिटी बैठकले १९  पदाधिकारीमा २६ जना थपेर स्थायी कमिटी गठन गरेको हो। 

बैठकमा अध्यक्ष केपी शर्मा ओलीले स्थायी कमिटी सदस्यका लागि घनश्याम भुसाल, गुरु बराल, देवराज घिमिरे, भीमप्रसाद आचार्य, लालबाबु पण्डित, खगराज अधिकारी, किरण गुरुङ, काशीनाथ अधिकारी, रघुजी पन्तलगायतको नाम प्रस्ताव गरेका छन्। 

त्यसैगरी भानुभक्त ढकाल, मणिचन्द्र थापा, शेरधन राई, कृष्णगोपाल श्रेष्ठ, अग्नि खरेल, प्रभु साह, राजन भट्टराई, सीता पौडेल, विन्दा पाण्डे, गोरख बोगटी, कर्णबहादुर थापा, राजेन्द्र गौतम, थाममाया थापा, शेरबहादुर तामाङ, शिवमाया तुम्बाहाङ्फे, हिक्मत कार्की पनि स्थायी कमिटीमा परेका छन्।

पूर्व माओवादीतर्फबाट मणि थापा र प्रभु साह पनि स्थायी कमिटीमा समेटिएका छन्। प्रस्तावित नाममाथि जारी केन्द्रीय कमिटी बैठकमा छलफल जारी छ। ओलीले प्रस्ताव गरेको सूची पारित हुने एक केन्द्रीय सदस्यले बताए।