यस्तो बन्दैछ शेखरको प्यानल

काठमाडौं– नेपाली कांग्रेसमा संस्थापन इतर समूहले साझा उम्मेदवार तय गर्न नसकेपछि छुट्टाछुटै प्यानल बनाएर उम्मेदवारी दिने भएका छन्।

उक्त समूहबाट रामचन्द्र पौडेल र शशांक कोइराला पछि हटेका छन् भने प्रकाशमान सिंह र शेखर कोइरालाले प्यानलसहित उम्मेदवारी दिने तयारी गरेका छन्। 

सभापतिमा उम्मेदवारी दिन लागेका शेखरको टिममा उपसभापतिमा चन्द्र भण्डारी र धनराज गुरुङ उम्मेदवार बन्ने भएका छन् भने महामन्त्रीमा डा. मीनेन्द्र रिजाल र गगन थापा उम्मेदवार बन्ने तय भएको छ।

शेखरको टिमबाट सहमहामन्त्रीका लागि प्रतिस्पर्धा गर्नेहरुको नाम पनि टुंगो लागेको छ। सहमहामन्त्रीमा दलिततर्फ जीवन परियार, महिलातर्फ कमला पन्त, मधेशीतर्फ रामकृष्ण यादव, थारुतर्फ टिएल चौधरी, पिछडिएको क्षेत्रबाट बद्री पाण्डे, जनजातितर्फ विकास लामा र खसआर्यबाट देवराज चासिले सहमहामन्त्रीका उम्मेदवार बन्ने भएका छन्।