काठमाडौं- जोजिनियो वाइनाल्दुमले खेलको अन्तिम मिनेटमा गोल गरेपछि पेरिस सेन्ट जर्मेन पीएसजी हारबाट जोगिएको छ।
फ्रेन्च शीर्ष डिभिजनको फुटबल लिग वानमा शीर्षस्थानमा रहेको पीएसजीले पाँचौ स्थानमा रहेको लेन्ससँग १-१ गोलको बराबरी खेल्दै हारबाट जोगिएको हो।
पीएसजीलाई हारबाट जोगाउन वाइनाल्दुमले खेलको अन्तिम समयमा गोल गरे। यता खेलको ६२ औं मिनेटमा लेन्सका सेको फोफानाले गोल गर्दै अग्रता दिलाएका थिए।
तर अन्तिममा बराबरीमा टुंगीएपछि शीर्षस्थानको पीएसजीको ४१ अंक छ। ऊ दोस्रो स्थानको मार्सेभन्दा १३ अंकले अघि रहेको छ। लेन्सको भने २७ अंक छ।