बार्सिलोना र एथ्लेटिकोको हारसँगै ला लिगामा रियल मड्रिडको बढ्दो अग्रता

काठमाडौं- लुका लोभिच र भिनिसयस जुनियरको गोलमा रियल मड्रिडले शनिबार राति रियल सोसिडाडलाई हराएको छ। सोसिडाडको रियल एरिनामा सम्पन्न खेलमा पाहुना टिम रियलले २-० गोलको जित निकाल्दै शीर्षस्थानमा ९ अंकको अग्रता बनाएको छ।

खेलको पहिलो हाफ गोलरहित बराबरी भए पनि दोस्रो हाफको ४७ औं मिनेट र ५७ औं मिनेटमा रियलले गोल गरेको थियो। चोट लागेका करिम बेञ्जिमाका ठाउँमा मैदान प्रवेश गरेका जोविकले खेलको दोस्रो र व्यक्तिगत रुपमा सिजनको पहिलो गोल गरेका हुन्।

यो जितले रियललाई लिगको धेरै सुरक्षित ठाउँमा पुर्याएको छ। १६ खेल सकिँदा उसले ८ अंकको अग्रता बनाएको हो। यता शनिबार रातिकै खेलमा डियोगो साइमनको टिम एथ्लेटिको मड्रिडले मायोर्कासँग २-१ गोलको हार बेहोरेपछि रियलले शीर्षस्थानमा अग्रता बढाएको हो।

गएराति नै सेभियाले भिल्लारियलविरुद्ध १-० गोलको जित निकालेको छ। यता जाभी हर्नान्डेजको टिम बार्सिलोनालाई भने रियल बेटिसले पराजित गरेको छ।

यससँगै ला लिगामा ३० अंक जोड्दै रियल बेटिस तेस्रो स्थानमा उक्लिएको छ भने बार्सिलोना २३ अंकका साथ सातौं स्थानमा छ। सेभिया दोस्रो स्थानमा यथावत् छ भने एथ्लेटिको मड्रिड २९ अंकका साथ चौथौ स्थानमा छ। रियल सोडिसाड र एटेलेटिकोको समान अंक छ। गोलअन्तरका आधारमा सोसिडाड पाचौ स्थानमा छ।