आस्थाको 'उज्यालोको खोजी'

काठमाडौं- शनिवार २३ गते राजधानीमा एक कार्यक्रम बिच ‘उज्यालोको खोजी’ नामक गजल संग्रह बिमोचन भएको छ । 

साथै उक्त कार्यक्रममा प्रदीप थापाको ‘रुवाई’ गीत गजल संग्रह ‘प्रयास’ र गीति एल्बम ‘प्रयास’को पनि संयुक्त सार्वजनिक गरिएको छ । 

‘उज्यालोको खोजी’माथि बोल्दै प्रमुख अतिथि ललिजन रावलले समाज परिवर्तनको अहम् भूमिका खेल्ने बताए । गजलको रचना र संरचना प्रक्रियालाई समय क्रमसँगै स्रष्ठाहरू आफू अनुकुल व्याख्या गर्न लागेको बताए । साथै समाजमा भएका तमाम विकृति र बेतिथिविरुद्ध लेख्नु पर्ने बताए । 

रुवाई गीत र गजल संग्रहका लेखक प्रदिप थापाले कलिलो विधाको रुपमा ‘रुवाई’ रहेको बताए । माया प्रेममाथि बढी कलम चलेको बताए ।

पुस्तक तथा एल्बममाथि गजलकार तथा समालोक प्रभाती किरण, ज्ञानु विद्रोही, शैलेन्द्र अधिकारी, डा. भोजराज अधिकारी र नरेन्द्रजंग पीटरले बोलेका थिए । 
 
जनय्द्धको समयमा वर्गिय मुक्ति चेतनाको बिकास भएको बताइन् कवि तथा सञ्चारकर्मी आस्था केसीले ‘उज्यालोको खोजी’ गजल संग्रहलाई कन्दरा पब्लिकेशनले छापेको हो । कार्यक्रमका अध्यक्षता अन्तर्राष्ट्रिय नेपाली गजल मञ्चका नेपाल च्याप्टर संयोजक भरत पौडेलले गरेका थिए ।