स्वीडेनविरूद्ध इङल्याण्डको अग्रता 

काठमाडौं-जारी विश्वकपको क्वार्टरफाइनल खेलमा इङल्याण्डले स्वीडेनविरूद्ध पहिलो हाफ मै अग्रता लिएको छ ।  

खेलको ३० औं मिनेटमा ह्यारी मगुइरेले गोल गर्दै इङल्याण्डलाई अग्रता दिलाएका हुन् । उनले एस्ले योङगको पासमा उत्कृष्ट हेडिङ गर्दै गोल गरेका हुन। 

यो गोलसँगै इङल्याण्डले १-० को अग्रता बनाएको छ । खेलको सुरुवाती समय देखिनै इङल्याण्डले स्वीडेन विरुद्ध आक्रमक खेल खेलिरहेको छ । पहिलो हाफमा इङल्याण्डले केहि अवसर सिर्जना गरेको थियो । तर, ति अवसरहरुको सदुपयोग भने गर्न सकेको थिएन्। 

अहिलेसम्म स्वीडेन र इङल्यान्डको भेट २४ खेलमा भएको छ । जसमध्ये ८ खेलमा इङल्यान्डले जितेको छ भने ७ खेलमा स्वीडेनले बाजी मारेको छ । त्यस्तै, ९ खेल इङल्यान्ड र स्वीडेनले बराबरी खेलेका छन् ।