काठमाडौं- स्पेनिस क्लब रियल मड्रिडले शीर्षस्थानमा सात अंकको अग्रता बनाएको छ। बुधबार रातिको खेलमा साँघुरो जित निकालेसँगै उसले १५ खेलबाट ३६ अंक बनाएको हो।
रियलको जितकालागि करिम बेञ्जिमाले गोल गरेका थिए। उनको गोलसँगै रियलले एथ्लेटिक क्लबमाथि १-० गोलको जित निकालेको थियो।
मिडफिल्डर लुका मोड्रिचले दिएको पासलाई सदुपयो गर्दै बेञ्जिमाले खेलको ४० औं मिनेटमा गोल गरेका थिए।
अहिले १४ खेल खेलेको एट्लेटिको मड्रिड २९ अंकका साथ दोस्रो स्थानमा छ।