काठमाडौं– अखिल नेपाल टेबलटेनिस संघको तत्त्वावधान तथा काठमाडौं जिल्ला टेबलटेनिस संघको आयोजनामा विन्टर क्याम्प टेबलटेनिस प्रशिक्षण बुधबारदेखि सुरु हुँदैछ।
प्रशिक्षणमा करिब ४० जनाको सहभागिता रहने आयोजक संघका अध्यक्ष धम्रमान वज्राचार्यले जनाएका छन्।
सहभागीलाई राष्ट्रिय खेलकुद परिषद्मा कार्यरत तथा स्वयंसेवक प्रशिक्षकले प्रशिक्षण दिने छन्।
पुस १४ गतेसम्म चल्ने प्रशिक्षण लैनचौरस्थित राष्ट्रिय टेबलटेनिस प्रशिक्षण केन्द्रमा हुने छ। प्रशिक्षण साँझ ५ देखि ७ बजेसम्म चल्ने छ।
यता हिजो मंगलबार पदबहाली गर्दै राष्ट्रिय खेलकुद परिषद् (राखेप) का सदस्य सचिव टंकलाल घिसिङले राष्ट्रिय टिमको तयारी थालेका छन्।