इटालियन सिरी एमा युभेन्टसको जित

इटालियन शीर्ष डिभिजनको फुटबल लिग सिरी एमा युभेन्टसले मंगलबार राति जित निकालेको छ। स्पोटिभा सलरेन्टको मैदानमा सम्पन्न खेलमा घरेलु टिमले युभेन्टससँग २–० गोलको हार बेहोरेको हो।

नेपाल समय | बुधबार, मंसिर १५, २०७८

नेपाल समय

बुधबार, मंसिर १५, २०७८

काठमाडौं– इटालियन शीर्ष डिभिजनको फुटबल लिग सिरी एमा युभेन्टसले मंगलबार राति जित निकालेको छ। स्पोटिभा सलरेन्टको मैदानमा सम्पन्न खेलमा घरेलु टिमले युभेन्टससँग २–० गोलको हार बेहोरेको हो।

युभेन्टको जितका लागि पावलो डिबाला र अल्भेरो मोराटाले गोल गरेका थिए। कुलुसेभ्स्कीले खेलको २१ औं मिनेटमा उपलब्ध गराएको बललाई प्रहार गर्दै डिबालालो अग्रता बनाएको थियो। पहिलो हाफमा एक गोलले अघि रहेको युभेन्टसले दोस्रो हाफमा अर्को गोल थप्यो।

दोस्रो हाफमा मोराटाले गोल गर्दै अग्रतालाई दोब्बर बनाए। तर खेलको इन्ज्युरी समयमा पाएको पेनाल्टीको अवसरलाई डिबालाले गोल गर्न नसक्दा युभेन्टस ३–० को अग्रतामा पुग्नबाट चुकेको थियो।

यो जितसँगै युभेन्टसले २४ अंकका साथ सातौं स्थानमा छ। ऊ शीर्षस्थानको नापोलीभन्दा ११ अंकले पछि छ।

प्रकाशित: Dec 01, 2021| 07:55 बुधबार, मंसिर १५, २०७८