बलर चम्किएको खेलमा बागमतीले कर्णालीमाथि निकाल्यो संघर्षपूर्ण जित

काठमाडौं– यू १९ राष्ट्रिय पुरुष क्रिकेट प्रतियोगिताअन्तर्गत मंगलबार सम्पन्न खेलमा बागमतीले कर्णाली प्रदेशलाई हराएको छ। मूलपानी क्रिकेट मैदानमा सम्पन्न खेलमा बागमतीले १८१ बल बाँकी रहँदा ७९ रनको लक्ष्य ८२ रन बनाएर पूरा गरेको हो।

त्यसक्रममा बागमतीले ९ विकेट गुमायो। खेलमा टस हारेर ब्याटिङको निम्तो पाएको कर्णालीले २७ ओभर एक बल खेल्दै सम्पूर्ण विकेट गुमाएर ७८ रन बनाएको थियो। जवाफमा बागमतीले १९ ओभर पाँच बल खेल्दै लक्ष्य पूरा गर्यो।

बागमतीको जितका लागि विवेक मगरले सर्वाधिक १८ रन बनाए। त्यस्तै कृष कार्कीले १२ र उत्तम मगरले ११ रन बनाउनुबाहेक अन्य खेलाडीले राम्रो प्रदर्शन गर्न सकेनन्। ११ रन अतिरिक्त प्रदान गरेको कर्णालीका अनुज चुनराले ५ विकेट गिराए भने प्रकाश जैसी, युनिस सिंह र सुवास अयरले समान १–१ विकेट लिए।

त्यसअघि कर्णालीका निश्चल रावलले १५ र सन्दीप साहीले १४ रन बनाएका थिए। पहिलो पारीमा गौतम केसी, विशाल यादव, कृष कार्की र विपुल खनालले क्रमशः ४, ३, २ र १ विकेट गिराए।